اشتاقيتلك ؟؟ وينك

حيل اتغيرت ما اعرف اشصار
وما ادري اتجاهي ابيش حسيت
انه ادنيتلك حد ما ذبت بيك
رغم غيرك بحضني وما ادنيت
شلت نية طفل من انته وياي
يا نيه الشلتهه وهيج سويت
... جنت تغلط
واصيح مسامحك روح .....
وابد مايوم منك كلت مليت ...
بصبر ايوب جنت اتحلى وياك ...
وانته بصبر جاهل ما اتحليت ...
يالتعنيتلك وانته ابعد الناس ....
وكفت ابين اديك وما اتعنيت ...
ما تشتاقلي ولا مر على البال؟!...
انه اشتاقيتلك كد ما تخليت
الشماته وياي صارو كالو اشبي؟
عافك وانته عمرك ما اتماديت
عمر شلتك بجفي وما امبديك
يا ماي اشعجب يمهم تبديت؟
جنت تشبه صلاة المؤمن اهواي
الفرق لمن حضنتك ما اتوضيت
اموت من القهر لو انت مجروح
وتصيح الناس اهده اشبيك جنيت
وتجرحني واجيك مدمه والكاك
قمة انفعالك, ها اتأذيت!!
يالهزيتني بكل موقف اشلون
ماتت ناس زينه وما انهزيت
اسف بالنهايه اعله الحجي الصار
اموت انشاء الله وبس لا انغثيت
واحلفك لا تمر عالبال فديوم
بس اذكرني اذا عالباب مريت

مما راق لي